سيرتي الذاتيه
أنا البراءة الفلسطينية
فتاة عربية
مقدسية
إمي حنينية
وستي نابلسية
لاجئه أصلها يافوية
**
أحب ورق العنب
والنعنع والمرمية
ساكنة بضواحي القدس الشرقية
أدرس خدمة اجتماعية
أحبُّ القراءة
والتراث
والدبكه الشعبية
**
معي شهاده دولية
حزام أسود بالألعاب القتالية
" بالمشرمحي "
"إطبوش فيه"
**
سافرت كثير
انا مع التغيير
وحّب الوطنية
استرح
استعد
ارفع العلم
أيدي أسبل
يا عيني على قائدة الكشفية
**
انتمائي لنفسي
وللوطن المسكين
مالها " هلكيت"
الوحدة الوطنية
**
أنا لاجئة
بهوية
كُتبَ فيها الاسم ومشتقاتة
وتاريخ الميلاد وديانة
والحاله الاجتماعية
ما" يزيدو " الحاله النفسية
**
على المحسوم
والشمس قوية
وَكّف
تفتيش
ساعة تنبيش
ادخل هان" زمرت"
ارجع مرة ومرتين
اخلع دبوس اشلح
" تتأففش "
" بلاش " يحملوك علـى المسكوبية
**
يا حسرة عليه
خايف تدمع " عنيه"
وما خلصت هل سيرة الذاتية
وللحكاية بقية..
دالية ابراهيم أبوهلال
كلمات رائعة جدا .. ما هذا الابداع
ردحذفالله يزيدك يا رب .. وانا شايفة الك مستقبل رائع جدا
الى الامام يا احلى داليا
تحياتي
زينة قريع
الله يسعدك
ردحذفاكيد بدعمكم الي راح استمر ان شاء الله
اكدع صحاب
ما شالله عنك يا داليا اول مرة بعرف انك اديبة
ردحذففعلا اشي برفع الراس
الله يوفقك
شفاء عفانة
الله يسعدك شفاء تسلمي
ردحذفبسعدني مرورك والله كتيرر
بجد سيرة روعه وتفصيل لواقع اروع انا ما عم احسن التعبر عم في داخيلي من تشوق الى معرفة فتاة اروع من هيك وبجد انا بتمنى الاستمرار في كتابة هيك شعر ومدونات والى الامام
ردحذفشكراً ,, كتير بسعدني هل كلام خاصه انه دعم معنوي بشجعني على الاستمرار .. :)
ردحذف